Հայաստանում տնտեսական ակտիվությունը հունվարին աճել է 10,7%-ով. ԵԶԲ

Հայաստանում տնտեսական ակտիվությունը 2024 թվականի հունվարին աճել է 10,7%-ով։ Աճն ապահովել են արդյունաբերության (տարեկան 21%), առևտրի (տարեկան 19,3%) և ծառայությունների (4,4%) ոլորտները։ Այս մասին ասվում է Եվրասիական զարգացման բանկի (ԵԶԲ) վերլուծաբանների ներկայացած մակրոտնտեսական ցուցանիշներում։

Փորձագետների գնահատականներով՝ արդյունաբերությունն ապահովել է տնտեսական ակտիվության մոտ 4 տոկոս աճ՝ ոսկուց պատրաստված ոսկերչական իրերի մշակման հաշվին։ 2,1 անգամ աճել է նաև արտահանումը, որը պայմանավորված է եղել ոսկյա զարդերի մատակարարումների աճով։