Հայաստանում տնտեսական ակտիվությունը հունվար-սեպտեմբերին աճել է 7,6%-ով. ԵԱԶԲ

Հայաստանում տնտեսական ակտիվությունը 2025 թվականի հունվար-սեպտեմբերին աճել է 7,6%-ով: Այս մասին ասվում է Եվրասիական զարգացման բանկի շաբաթական զեկույցում։

Հիմնական շարժիչ ուժերը եղել են ծառայությունների ոլորտը (+9,9%) և շինարարությունը (+20,7%)։ Արդյունաբերության անկումը (–5,7%) պահպանվել է՝ պայմանավորված 2024 թվականի սկզբին թանկարժեք մետաղների առևտրի և վերամշակման աճի ազդեցության սպառմամբ, ինչը նաև հանգեցրել է 9 ամսվա արդյունքներով արտահանման (–46,8%) և ներմուծման (–33,3%) կրճատման։

Երրորդ եռամսյակում Հայաստանի արդյունաբերությունը վերադարձել է աճի (+5,1%), ինչը տարվա մնացած հատվածում կպահպանի տնտեսական ակտիվությունը։