Հայաստանը դառնում է տեխնոլոգիական և աշխարհաքաղաքական նոր կենտրոն. Forbes
13 Դեկտեմբերի 2025, 16:45
Forbes պարբերականը հոդված է հրապարակել, որում Հայաստանը նշում է որպես տեխնոլոգիաների և քաղաքականության նշանակալի կենտրոն։ Առանցքային նախագծերից մեկը «Nvidia»‑ի հետ համատեղ 500 մլն դոլար արժողությամբ Արհեստական բանականության տվյալների կենտրոնի կառուցումն է։
Հեղինակների կարծիքով՝ այդ փոփոխությունների խթան են հանդիսացել Ադրբեջանի հետ Դոնալդ Թրամփի միջնորդությամբ կնքված խաղաղության համաձայնագիրը և հայկական սփյուռքի բազմամյա ներդրումները։
«Հայաստանը շահեկանորեն գտնվում է Իրանի և Թուրքիայի հետ սահմանների հատման կետում, իսկ նրա նորարարական տնտեսությունը լրացուցիչ աջակցություն կստանա «Nvidia» չիպերով հագեցած նոր տվյալների կենտրոնի շնորհիվ։ Սարքավորումների մատակարարումը վերջերս հաստատվել է ԱՄՆ կառավարության կողմից, իսկ օբյեկտը կկառավարի «Firebird.AI» հայ-ամերիկյան համատեղ ընկերությունը»,- ասվում է հոդվածում։
Սփյուռքի նախաձեռնություններից Forbes-ն առանձնացնում է նաև «Ավրորա» մարդասիրական նախագիծը և Դիլիջանում միջազգային դպրոցի (United World College Dilijan) բացումը։
Հիմա եթերում
