Հայաստանը ՀԱՊԿ դաշնակիցներին խնդրել է օրակարգից հանել երկրին օգնության մասին փաստաթուղթը
20 Նոյեմբերի 2023, 14:35
![](https://media.alphanews.am/wp-content/uploads/2023/11/20141231/b75i2535.thumb_.jpg)
Հայաստանը Հավաքական անվտանգության պայմանագրի կազմակերպության իր գործընկերներին խնդրել է օրակարգից հանել երկրին օգնության մասին փաստաթուղթը, այս մասին հայտարարել է ՀԱՊԿ գլխավոր քարտուղար Իմանգալի Տասմագամբետովը։
«Հավաքական անվտանգության խորհրդի հանձնարարականն էր՝ վերջնականապես վերջնական տեսքի բերել Հայաստանին օգնություն ցուցաբերելու մասին որոշումը: Հայկական կողմը, թեև մնացած բոլոր դաշնակիցները սատարեցին այս որոշմանը, սակայն որևէ հետաքրքրություն չհայտնեց այս փաստաթղթի նկատմամբ և, ավելին, մեր աշխատանքի վերջնական մասում խնդրեցին այն ընդհանրապես հանել օրակարգից», — ասել է ՀԱՊԿ գլխավոր քարտուղարը։
Հիշեցնենք՝ 2022 թվականի նոյեմբերին Երևանում կայացած ՀԱՊԿ գագաթնաժողովում ՀՀ վարչապետ Նիկոլ Փաշինյանը հրաժարվել էր ստորագրել Հայաստանին օգնություն ցուցաբերելու համատեղ միջոցառումների մասին Հավաքական անվտանգության խորհրդի որոշման նախագիծը։