Հայաստանը մասնակցել է Եվրոպայի խորհրդի «Մշակութային ուղիներ» համաձայնագրի կառավարման խորհրդի հանդիպմանը
19 Մայիսի 2023, 20:30
![](https://media.alphanews.am/wp-content/uploads/2023/05/19153617/347814395_1215670765654039_4956914169291879959_n.jpg)
2015 թ.-ից Հայաստանը «Մշակութային ուղիներ» ընդլայնված համաձայնագրի լիիրավ անդամ է: Մինչև 2022 թվականը Հայաստանն անդամակցել է «Գինու ուղիներ» մշակութային ուղուն, հայտնում են ԿԳՄՍ նախարարությունից:
Վերջին մեկ տարվա ընթացքում ապահովվել է Հայաստանի անդամակցությունը այլ մշակութային ուղիների, այդ թվում՝ «Իմպրեսիոնիզմի», «Նախապատմական ժայռապատկերների արահետներ», «Եվրոպական գերեզմանատներ», «Եվրոպական հեքիաթի ուղի» և «Հրեական ժառանգության եվրոպական ուղի»:
Ընդլայնված մասնակի համաձայնագրի կառավարման խորհրդի տարեկան հանդիպման ընթացքում ներկայացվել են «Մշակութային ուղիների» 8 նոր հայտեր:
Տեղի է ունեցել առկա 14 «Մշակութային ուղիների» ընթացիկ, ինչպես նաև 2 «Մշակութային ուղիների» արտակարգ կարգավիճակի վերագնահատումը: