Հայաստանը պայքարում է մանկական քաղցկեղի դեմ. բուժում՝անկախ ընտանիքի հնարավորություններից. Էսթեր Դեմիրճյան

«Ժպիտների քաղաք» հիմնադրամի հիմնական առաքելությունը քաղցկեղի և արյան հիվանդություններ ունեցող երեխաների բուժման ծախսերը հոգալն է կամ բուժումն ապահովելը: Այս մասին Alpha News-ի հետ զրույցում ասել է «Ժպիտների քաղաք» հիմնադրամի գործադիր տնօրեն Էսթեր Դեմիրճյանը:

Հիմնադրամը ֆինանսավորում է քաղցկեղով հիվանդ մինչև 25 տարեկան անձանց՝ ամբողջությամբ հոգալով բոլոր ծախսերը:

Դեմիրճյանը նշել է, որ Հայաստանում երեխաների շրջանում բուժելիության բարձր ցուցանիշներ են գրանցվել՝ շուրջ 70-75 %:

«Մեր հիմնադրամի 7-8 տարվա գործունեության կարևորագույն հիմնաքարերից մեկն այն է, որ կապ չունի՝ երեխան որտեղ է ծնվել, ովքեր են նրա ծնողները, պետք է հավասար պայմաններով բուժում ստանան և պայքարեն հիվանդության դեմ: Մենք ապահովում ենք անհրաժեշտ ամեն ինչով, բնականաբար, մնացածն արդեն բնության ձեռքերում է»,- հավելել է նա:

Մանրամասները տեսանյութում: