Հայաստանը ռուս զբոսաշրջիկների նախընտրելի երկրների առաջին եռյակում է

Մոտենում են մայիսյան տոները։ Այդ առիթով @SputnikLive-ը հավաքել է ռուս զբոսաշրջիկների համար ամենահայտնի ուղղությունները։ Այսպես, Հայաստանը ԱՊՀ երկրների շարքում երրորդ տեղն է զբաղեցնում՝ 17.9 տոկոսով (ԱՊՀ երկրներ բոլոր ամրագրումների մասնաբաժինը)։

ԱՊՀ երկրների շարքում առաջին տեղում Բելառուսն է՝ 41,5 տոկոս։

«Բելառուսը գեղեցիկ բնություն ունի: Այստեղ պահպանվել է եվրոպական ամրոցի ճարտարապետությունը, իսկ Մինսկը 16-18-րդ դարերի և Ստալինի դարաշրջանի տեսարժան վայրերի խառնուրդ է: Գները չափավոր են, Ռուսաստանի տարածաշրջաններից լոգիստիկան լավ զարգացած է», — ասում է Զբոսաշրջության արդյունաբերության ռուսական միության փորձագետ Օքսանա Բուլախը:

Երկրորդ տեղում Ուզբեկստանն է (21,3%)։