Հայաստանը սամբոյի Աշխարհի Գավաթի խաղարկությանը նվաճել է 3 արծաթե և 11 բրոնզե մեդալ
06 Ապրիլի 2024, 00:32
Երևանում ավարտվել է սամբոյի Աշխարհի Գավաթի խաղարկությունը։ Այս մասին հայտնում են Հայաստանի սամբոյի ֆեդերացիայից։
«Մրցումային երկրորդ օրը հայ մարզիկներից արծաթե մեդալակիր է դարձել 98 կգ քաշային Արման Ավանեսյանը, բրոնզե մեդալակիրներ են դարձել 58 կգ Նարեկ Գոգինյանը, Համլետ Սուքիասյանը, Վասակ Բարսեղյանը (71 կգ), Սարգիս Վարդանյանը (79 կգ), Ավետիք Պողոսյանը (88 կգ) և Նորիկ Խուրշուդյանը (+98 կգ)։
Հայաստանի հավաքականը մեդալային հաշվարկում 5-րդն է՝ նվաճած 3 արծաթե և 11 բրոնզե մեդալով (մեկական արծաթե և բրոնզե մեդալ էլ նվաճել են փախստականների հավաքականում հանդես եկած երկու հայ սամբիստ)»,- նշված է հաղորդագրությունում:
Հիմա եթերում
