Հայաստանը Սանկտ Պետերբուրգում մասնակցում է «Մշակույթների երկխոսություն» 18-րդ միջազգային մեդիաֆորումին
25 Մայիսի 2024, 11:40
Սանկտ Պետերբուրգի «Էրմիտաժ» թատրոնում մեկնարկել է «Մշակույթների երկխոսություն» երիտասարդ լրագրողների 18-րդ միջազգային մեդիա-ֆորումը, որը համախմբել է երիտասարդ լրագրողների ավելի քան 30 երկրներից, այդ թվում՝ Հայաստանից, հայտնում է «Ռիա Նովոստի»-ին։
Մասնակիցները համատեղ կփնտրեն ժամանակակից մեդիա մարտահրավերների պատասխանները և կներկայացնեն տարբեր մշակույթների և դավանանքների մերձեցմանն ուղղված նախագծեր:
Հանդիսավոր բացմանը մասնակցել է նաև համաժողովի կազմակերպիչներից մեկը՝ «Լրագրողների համագործակցություն» մեդիակոնգրեսի նախագահ Աշոտ Ջազոյանը: Նա «Ռիա Նովոստի»-ին պատմել է, որ այս տարի «Մշակույթների երկխոսությանը» մասնակցած հյուրերի թիվը զգալիորեն ավելացել է, ժամանել են նաև եվրոպական երկրների ներկայացուցիչներ:
Հիմա եթերում
