«Հայկական դրվագներ»՝ Մարտին Սկորսեզեի մասին վավերագրական սերիալում

Apple TV առցանց կինոթատրոնում թողարկվել է «Mr. Scorsese» ֆիլմը, որը հանրահայտ կինոռեժիսոր, պրոդյուսեր ու սցենարիստ Մարտին Սկորսեզեի կյանքի և կարիերայի մասին է։

Սերիաներից մեկում ռեժիսորը կիսվել է իր ընկերոջ և ուսուցչի՝ ամերիկահայ պրոֆեսոր Հայկ Մանուկյանի մասին հիշողություններով: Նրա հետ շփումը Սկորսեզեն անվանել է «ամենաթանկ նվերը, որ երբևէ ստացել է»։

Սերիալի եզրափակիչ դրվագում Լեոնարդո ԴիԿապրիոն պատմել է այն մասին, թե ինչպես է Սկորսեզեն զբաղվում համաշխարհային կինեմատոգրաֆի գլուխգործոցների վերականգնմամբ։ Մասնավորապես, վարպետի և նրա հիմնադրամի շնորհիվ 2014թ. վերականգնվել է Սերգեյ Փարաջանովի «Նռան գույնը» ֆիլմը։