Հայկական կողմն ունի 3 զոհ. ՀՀ ՊՆ
01 Սեպտեմբերի 2023, 16:16
![](https://media.alphanews.am/wp-content/uploads/2023/09/01160953/zinvor11-2-e1659600702209.jpg)
Ադրբեջանական սադրանքի հետևանքով հայկական կողմն ունի 3 զոհ, 1 վիրավոր: Ավելի վաղ ՀՀ ՊՆ-ն հայտնել էր 2 զոհի մասին, որոնց անունները հրապարակվել են:
Զոհված ևս երկու զինծառայողների տվյալները, ինչպես նաև վիրավոր զինծառայողի առողջական վիճակի մասին պաշտպանության նախարարությունը հաղորդագրություն կհրապարակի ավելի ուշ՝ զինծառայողների ընտանիքներին պատշաճ, սահմանված կարգով իրազեկելուց հետո:
Մեր պաշտպանական գերատեսչության հաղորդմամբ՝ օգոստոսի 31-ին պարբերաբար ապատեղեկատվություն տարածելով ու այդպիսով հերթական սադրանքի համար տեղեկատվական հիմք ստեղծելով, ադրբեջանական կողմը սեպտեմբերի 1-ին, ժամը 07:50-ից սկսած, ինտենսիվ կրակ է բացել Սոթքի հատվածում տեղակայված հայկական դիրքերի ուղղությամբ՝ կիրառելով նաեւ ականանետ: