«Հայկական մուլտի-պուլտի» նախագծի նկարները՝ Նովոռոսիյսկի «Երկխոսություն» ցուցահանդեսին
25 Օգոստոսի 2023, 13:52
![](https://media.alphanews.am/wp-content/uploads/2023/08/22171119/photo_5991052845174075684_y-1.jpg)
Նովոռոսիյսկ քաղաքի Ազգային մշակույթների կենտրոնում մեկնարկել է «Երկխոսություն» ցուցահանդեսը, որը կազմակերպել է Ռուսաստանի նկարիչների ստեղծագործական միության անդամ և Ռուսաստանի նկարիչների ստեղծագործական միության տարածաշրջանային բաժանմունքի «Սևծովյան բաժանմունք» բաժնի նախագահ Նիկոլայ Ջանյանը:
Ցուցահանդեսին ներկայացված են «Հայկական մուլտի-պուլտի» նախագծի նկարները, որոնք նկարել են գեներալ Ն. Ն. Ռաևսկու անվան №24 դպրոցի աշակերտները՝ հայոց լեզվի ուսուցչուհի Արև Բալայանի ղեկավարությամբ: Նշենք, որ ներկայացված են 50-ից ավելի նկարներ՝ սիրված հայկական մուլտֆիլմերի թեմատիկայով:
Ստեղծագործական այս աշխատանքը նվիրված էր հայկական մուլտիպլիկացիայի 85-ամյակին: