Հայոց ցեղասպանության թանգարանը և հուշահամալիրը չեն փակվելու. թանգարանի տնօրինություն

Հայոց Ցեղասպանության թանգարան-ինստիտուտի վարչական շենքն ու հուշահամալիրը բարեկարգվելու են: Այս տեղեկությունից հետո սոցիալական ցանցերում լուրեր պտտվեցին, թե հուշահամալիրը փակելու են:

«Վարչական շենքը նորոգելու կարիք չկա, այնտեղ ջրամեկուսացման աշխատանքներ են կատարվելու միայն»,- ասում է թանգարանի տնօրեն Հարություն Մարությանը:

Ծիծեռնակաբերդի հուշահամալիրի համահեղինակ Սաշուր Քալաշյանի խոսքով՝ թանգարանի վարչական շենքերում հայտնաբերվել են տեխնիկական բացթողումներ, որի պատճառով սենյակներում կաթոցներ են նկատվել: