Հայտնի տենոր Հովհաննես Այվազյանը ելույթ կունենա Պլատոնական արվեստների փառատոնում

Հունիսին Վորոնեժում կանցկացվի «Պլատոնական արվեստների փառատոն-2024»-ը։ Ամբողջ ամսվա ընթացքում քաղաքում տեղի կունենան համերգներ, ներկայացումներ, ցուցահանդեսներ, դասախոսություններ և այլ միջոցառումներ:

Փառատոնի երաժշտական ծրագրում հունիսի 4-ին Վորոնեժի օպերայի և բալետի թատրոնում տեղի կունենա մենակատարներ Հովհաննես Այվազյանի (տենոր) և Խիբլա Գերզմավայի (սոպրանո/Ռուսաստան) համերգը՝ Վորոնեժի սիմֆոնիկ նվագախմբի նվագակցությամբ։

Հովհաննես Այվազյանը 2013 թվականից Ռուսաստանի Մեծ թատրոնի հրավիրյալ մենակատար է: Հայաստանի Հանրապետության վաստակավոր արտիստ, ՀՀ Նախագահի մրցանակի դափնեկիր (2009)։