Henley Passport Index-ի վարկանիշում հայկական անձնագիրը 7 հորիզոնականով բարելավել է դիրքը
25 Հուլիսի 2024, 13:37
![](https://media.alphanews.am/wp-content/uploads/2024/07/25115617/339042_0_270_5184_3186_1920x0_80_0_0_b06b39001f5bd58f4273a4a75a65cf16.jpg)
Հայաստանի անձնագիրը Henley Passport Index-ի վարկանիշում այս տարի զբաղեցնում է 72-րդ հորիզոնականը: Նա իր դիրքը բարելավել է 7 հորիզոնականով։ Մեկ տարի առաջ ՀՀ-ն այդ վարկանիշում 79-րդ տեղում էր։
Հայաստանի քաղաքացիներն առանց վիզայի կարող են այցելել 62 երկիր։ Վարկանիշի առաջատարը Սինգապուրն է (195 երկիր), երկրորդ տեղում հինգ երկիր է՝ Իտալիան, Ֆրանսիան, Իսպանիան, Գերմանիան և Ճապոնիան (192 երկիր): Երրորդ տեղում են Ավստրիան, Իռլանդիան, Լյուքսեմբուրգը, Նիդեռլանդները, Ֆինլանդիան, Շվեդիան, Հարավային Կորեան (191 երկիր):
Հարևան Վրաստանը զբաղեցնում է 44-րդ հորիզոնականը (122 Երկիր), Ռուսաստանը վարկանիշում 45-րդ հորիզոնականում է (116 Երկիր): Վարկանիշի վերջին տեղում Աֆղանստանն է (103-րդ հորիզոնական, 26 երկիր):