Հենրիխ Մխիթարյան․ Հույս ունեմ, ո հարեւան երկրի բանտերում անօրինական պահվող հայ գերիները ազատ կարձակվեն
01 Հունվարի 2025, 12:53
Միլանի «Ինտերի» կիսապաշտպան և Հայաստանի ազգային հավաքականի նախկին ավագ Հենրիխ Մխիթարյանը ամանորյա ուղերձով դիմել է հայ ժողովդին։
«Սիրելի բարեկամներ, թող այս Նոր տարին ձեզ բերի անսահման ուրախություն և հաջողություններ, ձեր բոլոր նպատակների իրականացում և առողջություն: Մաղթում եմ ձեզ և ձեր ընտանիքներին հիշարժան 2025 թվական:
Իմ հայրենակիցներին, մաղթում եմ խաղաղության և վերածննդի տարի մեր հայրենիքի համար: Հույս ունեմ, որ այս տարի մենք ականատես կլինենք մեր հայ գերիների ազատմանը, որոնք անօրինական կերպով պահվում են հարևան երկրի բանտերում: Մաղթում եմ մեզ համերաշխություն և միասնություն, քրտնաջան աշխատանք և ստեղծարարություն: Թող մեր ազգային հերոսների հոգիները պաշտպանեն մեր սուրբ հողերը: Թող ձեր բոլոր երազանքները իրականություն դառնան:
Շնորհավոր նոր տարի, շնորհավոր 2025 թվական»,- գրել է Մխիթարյանը։
Հիմա եթերում
