Հենրիխ Մխիթարյանը պատրաստ է նոր պայմանագիր կնքել «Ինտերի» հետ
22 Հունիսի 2023, 00:33
![](https://media.alphanews.am/wp-content/uploads/2023/06/21131128/2296.jpg)
Միլանի «Ինտերի» կիսապաշտպան Հենրիխ Մխիթարյանի գործակալ Ռաֆայելա Պիմետան հայտնել է, որ 34-ամյա ֆուտբոլիստը պատրաստ է նոր պայմանագիր կնքել իտալական ակումբի հետ:
«Մխիթարյանի պայմանագիրն «Ինտերի» հետ լրանում է մեկ տարուց, սակայն մենք կզրուցենք ակումբի հետ՝ հասկանալու ակումբի ծրագրերը կապված ֆուտբոլիստի հետ:
Հիմա մենք նրան հանգիստ կթողնենք, իսկ հետո ես վստահաբար կբախեմ «Ներաձուրիների» դուռը»,- Հայաստանի ազգային հավաքականի նախկին ավագի գործակալի խոսքը մեջբերում է Sky Italia-ն:
Հիշեցնենք, որ Հենրիխ Մխիթարյանը միլանյան գրանդի գույները պաշտպանում է 2022 թվականի հուլիսից և անցկացրած 49 պաշտոնական խաղում դարձել 5 գոլի և երկու գոլային փոխանցման հեղինակ: Այս մրցաշրջանում նա «Ինտերի» հետ դարձավ Իտալիայի գավաթակիր ու սուպերգավաթակիր և հասավ Չեմպիոնների լիգայի եզրափակիչ։