ՀՀ դեսպանության մշակույթի կենտրոնում տեղի է ունեցել «Համաշխարհային մշակութային ժառանգություն» գրքի շնորհանդեսը

ՀՀ դեսպանության մշակույթի կենտրոնում տեղի է ունեցել «Համաշխարհային մշակութային ժառանգություն» գրքի շնորհանդեսը։

Մշակույթի կենտրոնի ղեկավար Վլադիմիր Գաբբեն հյուրերին ներկայացրել է գրքի հեղինակ Կարինե Դանիելյանին։

Նա ճարտարապետ և դիվանագետ է, երկար տարիներ զբաղվել է մշակութային համագործակցությամբ՝ ՅՈՒՆԵՍԿՕ-ի Հայաստանի ազգային հանձնաժողովի գլխավոր քարտուղարի կարգավիճակում։

Նա հյուրերին է ներկայացրել ծրագրի կարևոր կողմերը՝ ընդգծելով առաջնահերթ խնդիրներից մեկը՝ Հայաստանի մշակութային հարուստ ժառանգության հանրահռչակումը և դրա պահպանման կարևորության խորը գիտակցումը։

Գաբբեն Դանիելյանին շնորհել է Լազարևների տան պատվավոր մեդալ՝ հայ-ռուսական մշակութային ժառանգության պահպանման գործում ունեցած ավանդի համար։