ՀՀ վարչապետի վարքագիծը չունի որևէ իրավական կամ բարոյական հիմնավորում․ Ռոբերտ Ամստերդամ

Վարչապետ Նիկոլ Փաշինյանը հայտարարել է, որ Կտրիճ Ներսիսյանը Ամենայն Հայոց Կաթողիկոս չէ, հետեւաբար այդ դիրքից նրա կայացրած որոշումները իրենց համար արժեք չունեն եւ առոչինչ են։

«Տեր Գեւորգ եպիսկոպոս Սարոյանը շարունակում է մնալ Հայաստանյայց Առաքելական Սուրբ Եկեղեցու Մասյացոտնի թեմի առաջնորդ»,– գրել էր Փաշինյանը։

Իրավապաշտպան Ռոբերտ Ամստերդամը, անդրադառնալով Փաշինյանի այս խոսքերին, հայտարարել է․

«ՀՀ վարչապետի վարքագիծը չունի որևէ իրավական կամ բարոյական հիմնավորում։

Մեզ մնում է ապավինել միայն Աստծուն և դատարաններին»։