Հովհաննես Թումանյան․ Ամենայն հայոց բանաստեղծը

Alpha News-ը շարունակում է ներկայացնել «Ալֆա պերսոնա» շարքը:

Փետրվարի 19-ին լրանում է մեծ բանաստեղծ և գրող Հովհաննես Թումանյանի ծննդյան 155-ամյակը։

Թումանյանը ծնվել է քահանայի ընտանիքում։ Թումանյանների տոհմը սերում է միջին դարերում Լոռու մարզի Դսեղ գյուղում իշխած հին հայկական իշխանական Մամիկոնյանների տոհմից։
Հովհաննես Թումանյանը դարձել է իր դարաշրջանի խորհրդանիշը, նրա անվան հետ է կապված հայ գրականության ծաղկումն ու զարգացումը։

Ոչ միայն Հայաստանում, այլև այլ երկրներում շատ դպրոցներ, փողոցներ, հրապարակներ կրում են մեծ բանաստեղծի անունը։ Գրեթե յուրաքանչյուր վաղ տարիքից գիտի Թումանյանի ստեղծագործությունները։

Նրա գործերը թարգմանվել են աշխարհի ավելի քան քառասուն լեզուներով։ Նրա ստեղծագործությունների արտահայտությունները դարձել են թևավոր, դրանք օգտագործվում են ինչպես գրական, այնպես էլ առօրյա խոսքում:

Իր ստեղծագործություններում գրողը նախատում էր ստոր արարքները, բնավորության բացասական գծերը և բարձրացնում յուրաքանչյուր մարդու համար հիմնական արժեքները՝ սերը, բարությունը, հարգանքը, խիզախությունը:

Գրողը ընկերացել է իր ժամանակի բազմաթիվ հայ, վրացի, ռուս գրողների հետ, հասարակական գործունեություն է ծավալել, փորձել է օգնել իր ժողովրդին։