Հրանտ Մարգարյանին նույնպես թույլ չեն տվել բարձրանալ Սարդարապատի հուշահամալիր
28 Մայիսի 2023, 17:45
Ոստիկանությունը ՀՅԴ Բյուրոյի նախկին ներկայացուցիչ Հրանտ Մարգարյանին թույլ չտվեց բարձրանալ Սարդարապատի հուշահամալիր։ Առավոտյան հուշահամալիրը փակ էր բոլորի համար, քանի որ այնտեղ պետք է տեղի ունենար հանդիսավոր արարողություն՝ ՀՀ վարչապետ Նիկոլ Փաշինյանի և բարձրաստիճան այլ պաշտոնյաների մասնակցությամբ։
«Հասկանում եմ, որ շատ են վախենում, բայց իզուր եմ մտածում գոնե այս օրվա հետ կապված։ Դա ուղղակի զարմանալի է: Այս մասին պետք է նախօրոք խոսել, ես միշտ ժամանում էի մինչև կեսօր, բարձրանում Սարդարապատ և վերադառնում։ Երբեք նման բան չեմ տեսել: Եթե անգամ մեքենաների հոսքի արգելքներ են եղել, ապա մարդկանց կողմից նման արգելքներ չեն եղել»,- NEWS.am -ի թղթակցի հետ զրույցում ասաց Մարգարյանը։
Նա նաև նշեց, որ սա առանձնահատուկ օր է, քանի որ 9 դար մենք պետականություն չենք ունեցել, բայց, անցնելով դժվարությունների ու ջարդերի միջով, կարողացել ենք ձեռք բերել այն։
Հիմա եթերում
