Հրապարակվել են վթարի հետևանքով զոհված 4 զինծառայողների անունները
12 Ապրիլի 2024, 23:03
ՀՀ ՊՆ-ն հրապարակել է վթարի հետևանքով մահացած զինծառայողների անունները։ Նրանք են` Արեգ Արմենի Քերոբյան, Սլավիկ Վարդանի Վարդանյան, Դավիթ Համբարձումի Հակոբյան, Ժոզեֆ Մելքոնի Ազոլյան։
Դեպքի հանգամանքները լիարժեք պարզելու նպատակով ընթանում է քննություն։
Հիշեցնենք, որ այսօր ժամը 15:25-ի սահմաններում, ՀՀ ՊՆ N զորամասի զինծառայողներին տեղափոխող «Ուրալ» մակնիշի ավտոմեքենան դեռևս չպարզված հանգամանքներում դուրս է եկել ճանապարհի երթևեկելի հատվածից և հայտնվել հարակից ձորակի տարածքում:
Վթարի հետևանքով, նախնական տվյալների համաձայն, կա 4 զոհ և 20 վիրավոր:
Հիմա եթերում
