Հյուրանոցներում ժամանակավոր բնակվող արցախցիները չեն ստանա 50․000-ական դրամ աջակցությունը

Կառավարությունը հաստատել է Արցախից բռնի տեղահանվածների առաջնային սպառողական ծախսերը հոգալու համար սոցիալական աջակցության միջոցառումը և տրամադրման կարգը։ Նախատեսվում է ԼՂ-ից բռնի տեղահանվածներին տրամադրել 50 հազար դրամ։

Միջոցառման շահառու կհանդիսանան 100 հազար դրամ միանվագ աջակցության շահառու հանդիսացող անձինք՝ բայց որոշ բացառություններով։

-Հյուրանոցներում ու հյուրատներում ժամանակավոր բնակություն հաստատած անձինք,

-ՀՀ բանկային հաշվին 2 մլն դրամից ավելի գումար ունեցողները։ Այս դեպքում խոսքը ոչ թե ընտանիքի անդամների, այլ այն անձանց մասին է, որոնք ունեն այդ դրամական միջոցները,

-Մինչև տեղահանումը ՀՀ-ում գտնվող անձինք։

-Զինվորական ապահովագրության հիմնադրամից աջակցություն ստացող անձինք։