Ի աջակցություն Հայ Առաքելական Եկեղեցու՝ Թբիլիսիում ակցիա է անցկացվել

Այսօր Վրաստանի մայրաքաղաք Թբիլիսիում տեղի է ունեցել հանրահավաք, որի մասնակիցները հավաքվել են՝ իրենց համերաշխությունը հայտնելու Հայ Առաքելական Սուրբ Եկեղեցուն։

«Մենք համոզված ենք, որ Հայ Առաքելական Սուրբ Եկեղեցին վտանգի տակ է։ Աստված մի արասցե, եթե այն շարժումը, որի առաջնորդն է Հայաստանի Հանրապետության վարչապետը, հաջողության հասնի, մենք կարող ենք մնալ առանց մեր Եկեղեցու», — հայտարարել է հանրահավաքի կազմակերպիչ Լևոն Չիդիլյանը։

Թբիլիսիում անցկացվող հանրահավաքը արտահայտում է հավատացյալների մտահոգությունն ու աջակցությունը, ովքեր համոզված են, որ Հայ Առաքելական Եկեղեցու պահպանությունը կենսական նշանակություն ունի ազգային ինքնության համար։