Ի՞նչ կապ ունի առաջին կին տիեզերագնաց Վալենտինա Տերեշկովան Հայաստանի հետ

Հունիսի 16-ին լրանում է առաջին կին տիեզերագնաց Վալենտինա Տերեշկովայի տիեզերք թռչելու 60-ամյակը։ Իր տիեզերական թռիչքը, որը տևել է գրեթե 3 օր, Տերեշկովան կատարել է 1963 թվականի հունիսի 16-ին «Վոստոկ-6» տիեզերանավով, հայտնում է Կրասնոդարի երկրամասի Ռուսաստանի հայերի միության տելեգրամյան ալիքը։

«Շատերը չգիտեն, բայց նույնիսկ մինչև խորհրդային տիեզերագնացների ջոկատին միանալը Վալենտինա Տերեշկովան մի քանի տարի աշխատել է որպես ջուլհակ Լենինականի տեքստիլ կոմբինատում (այժմ՝ Գյումրի), իսկ թռիչքից երկու տարի անց ամուսնու՝ Խորհրդային տիեզերագնաց Անդրիան Նիկոլաևի հետ այցելել է Հայաստան՝ ստանալով Լենինականի պատվավոր քաղաքացու կոչում»,- գրում է TG ալիքը։