Ի տարբերություն նախորդ մրցաշրջանի՝ հիմա «Կրասնոդար»-ը հոգեբանորեն ավելի ուժեղ է․ Սպերցյան

«Կրասնոդար»-ն այս պահին հոգեբանորեն ավելի ուժեղ է, քան նախորդ մրցաշրջանում: Այս մասին «РБ Спорт»-ի հետ զրույցում հայտարարել է ակումբի կիսապաշտպան Էդուարդ Սպերցյանը:

«Նախորդ մրցաշրջանը մեզ շատ բան սովորեցրեց։ Նայո՞ւմ ենք արդյոք մրցաշարային աղյուսակին։ Այո՛, բայց մենք շատ հանգիստ ենք վերաբերվում առաջատար լինելուն։ Շարունակում ենք քայլ առ քայլ»,- ասել է Սպերցյանը։

«Կրասնոդար»-ը ՌՊԼ-ի ընթացիկ մրցաշրջանի 22 տուրերից հետո գլխավորում է Ռուսաստանի առաջնությունն՝ ունենալով 49 միավոր։ Մուսաևի թիմը հաջորդ հանդիպումը կանցկացնի ապրիլի 5-ին՝ սեփական դաշտում։