Ինձ մոտիվացնում է, երբ տեսնում եմ հայերին տրիբունաներում՝ Հայաստանի ու Ռուսաստանի դրոշներով. Արման Ծառուկյան
07 Դեկտեմբերի 2023, 08:38
Խառը մենամարտերի (MMA) թեթեւ քաշային կարգում UFC դասակարգման չորրորդ համար Արման Ծառուկյանը նշել է, որ ներկայացնում է Հայաստանը, թեեւ ռուսաստանցի է։ Այժմ նա բնակվում է ԱՄՆ-ում։
«Ես սիրում եմ Ռուսաստանը։ Ամբողջ կյանքս ապրել եմ այնտեղ։ Բայց ես ասում եմ՝ ռուսաստանցի մարտիկ եմ, որը ներկայացնում է Հայաստանը։
Ինձ մոտիվացնում է տրիբունաներում հայերի տեսնելը, Հայաստանի եւ Ռուսաստանի դրոշներ տեսնելը։ Այդպիսի պահերին ես գիտեմ, որ ինձ ոչ ոք չի հաղթի։ Ես կհաղթեմ կամ կմահանամ»,- ասել է Արման Ծառուկյանը MMAFightingonSBN-ի յութուբյան եթերում։
Արման Ծառուկյանը խառը մենամարտերում տարել է 21 հաղթանակ, կրել 3 պարտություն։
Հիմա եթերում
