«Ինտեր»-ը մտադիր է երկարաձգել պայմանագիրը Հենրիխ Մխիթարյանի հետ

Միլանի «Ինտեր» ֆուտբոլային ակումբը նախատեսում է հայ կիսապաշտպան Հենրիխ Մխիթարյանին պահել իր կազմում։ Ակումբը քննարկում է ֆուտբոլիստին նոր՝ կարճաժամկետ պայմանագիր առաջարկելու հնարավորությունը, որը կգործի մինչև 2027 թվականի հունիսը։

37-ամյա կիսապաշտպանի պայմանագիրը «Ինտեր»-ի հետ նախատեսված է մինչև 2026 թվականի հունիսի 30-ը։

Մխիթարյանը «Ինտեր» է տեղափոխվել «Ռոմայից» 2022 թվականին՝ ազատ գործակալի կարգավիճակով։ Ընթացիկ մրցաշրջանում նա միլանյան ակումբի կազմում անցկացրել է 24 հանդիպում բոլոր մրցաշարերում՝ խփելով մեկ գոլ և կատարելով մեկ գոլային փոխանցում։

Transfermarkt հարթակը ֆուտբոլիստի տրանսֆերային արժեքը գնահատում է 3,5 միլիոն եվրո։