Իր այլասերված մտքով պատմական Հայաստանը մրցում է իրական Հայաստանի հետ, դրա համար էլ Փաշինյանը երկիրը տանում է կործանման. Տիմոֆեյ Երմակով

Alpha News-ի ուղիղ եթերում ռազմական թղթակից Տիմոֆեյ Երմակովն ընդգծել է, որ Փաշինյանը գիտակցաբար սպանել է ավելի քան 6000 հայ տղաների, քանի որ կար փոքր և միտումնավոր պարտված պատերազմի ծրագիր։

«Լավ է, որ հիմա ոչ ոք սկզբունքորեն ոչինչ չի թաքցնում, նկատի ունեմ Հայաստանի իշխանությունները, «Քաղաքացիական պայմանագրի» ներկայացուցիչները և անձամբ Փաշինյանը ոչինչ չեն թաքցնում։ Նա նույնիսկ հայտարարում է, որ 1996 թվականից ի վեր ԼՂ հարց ընդհանրապես գոյություն չունի։ Այդ ժամանակ ինձ մոտ հարց է առաջանում, որը բխում է այն տեսությունից, որին ես հավատարիմ եմ, որ դա փոքր, հատուկ պարտված պատերազմի ծրագիր էր, և որ այդ մարդը գիտակցաբար սպանել է ավելի քան 6000 հայ տղաների ։ Ես եղել եմ Եռաբլուրում, դա շատ ճնշող տեսարան է, այնտեղ են գտնվում անժամանակ մահացած շատ երիտասարդ տղաների գերեզմաններ։

Պարզվում է՝ Փաշինյանը դա միտումնավոր է արել։ Այսինքն՝ այն ժամանակ ինչո՞ւ էիք ամբողջ Երևանով մեկ հաղթական պաստառներ կախել։ Ինչո՞ւ եք դիտավորյալ մարդկանց տանում պատերազմի։ Բայց ես գիտեմ, թե ինչպես են հայ տղաները կռվել։ Այո, նրանք չունեին զենքի որոշակի տեսակներ, բայց ունեին մարտական ոգի և հաղթելու ցանկություն։ Բայց ինքը՝ Փաշինյանը, ըստ ամենայնի, ի սկզբանե սա չի ունեցել։ Նրա խոսքով՝ միայն 2022 թվականին սեպտեմբերյան պատերազմից հետո է հասկացել, երբ Ադրբեջանը հերթական անգամ հարձակվել է արդեն Հայաստանի Հանրապետության տարածքի վրա։ Ահա դրանից հետո, իբր, նա հասկացել է, որ պատմական Հայաստանը, որի մեջ մտնում է Ղարաբաղը և մնացած ամեն ինչ, վտանգ է ստեղծում Փաշինյանի, այսպես կոչված, իրական Հայաստանի համար ։

Այս ամենը տեղի է ունենում նրա այլասերված մտքում, և այդ ամենը նա պարտադրում է ողջ հայ ժողովրդին։ Այո, իրոք, իր աշխարհում պատմական Հայաստանը մրցակցում է իրական Հայաստանի հետ, ուստի Փաշինյանը երկիրը տանում է դեպի կործանում»,- ընդգծել է Երմակովը։