Իրանի, ՌԴ-ի և Թուրքիայի աջակցությունը Երևան-Բաքու համաձայնություններին կլինի խաղաղության լավագույն երաշխիքը․ Սոբհանի
03 Հունվարի 2024, 17:00
![](https://media.alphanews.am/wp-content/uploads/2024/01/03133658/enlarge.jpg)
Տարածաշրջանի բոլոր հարցերը պետք է լուծվեն երկխոսության միջոցով, բոլոր երկրների տարածքային ամբողջականությունը պետք է պահպանվի, իսկ տվյալ երկների բնակիչների իրավունքները հարգվեն յուրաքանչյուր երկրի ազգային ինքնիշխանության շրջանակում։ Այս մասին Հանրային հեռուստաընկերությանը տված հարցազրույցում հայտարարել է Հայաստանում Իրանի Իսլամական Հանրապետության արտակարգ և լիազոր դեսպան Մեհդի Սոբհանին՝ անդրադառնալով հարցին, թե ինչ դիրքորոշում ունի Թեհրանն Արցախից ավելի քան 100 հազար հայերի բռնի տեղահանման վերաբերյալ։
Ըստ Իրանի դեսպանի՝ ռազմական գործողությունները չեն կարող լուծել տարածաշրջանային արմատական խնդիրները, դրանք լուծելու համար պետք է բացահայտել հակամարտության արմատները, և դա կարող է տեղի ունենալ երկխոսության և խաղաղ հաղորդակցության միջոցով։