Իրանն ու Հայաստանը պատրաստ են պայմաններ ստեղծել տարանցիկ բեռնափոխադրումների համար. Իրանի ԱԳՆ

Հայաստանն ու Իրանը քննարկել են Արաքս գետի վրա երկրորդ կամրջի կառուցման հարցը՝ բեռնափոխադրումները պարզեցնելու նպատակով։ Այս մասին ՀՀ արտգործնախարար Արարատ Միրզոյանի հետ համատեղ ասուլիսում ասել է Իրանի արտգործնախարար Աբբաս Արաղչին։

Իր հերթին Արարատ Միրզոյանն ընդգծել է, որ 2024 թվականին երկու երկրների միջև ապրանքաշրջանառությունը հասել է ռեկորդային մակարդակի, իսկ ապագայում նախատեսվում է այն հասցնել տարեկան 3 միլիարդ դոլարի։

Նշվել է նաև, որ Թեհրանը մասնակցում է Երևանի ռազմավարական ծրագրերին. իրանական ընկերությունները կառուցում են Քաջարան-Ագարակ մայրուղու 32 կիլոմետրանոց հատվածը։ Հայկական նախագծերում իրանական ներդրումների ընդհանուր ծավալը կազմում է 460 մլն դոլար։