Իրավիճակը Վերին Լարսում քաղաքական ճնշում է Հայաստանի նկատմամբ. Գեորգի Բովտ
30 Նոյեմբերի 2023, 21:20
Քաղաքագետ Գեորգի Բովտը Alpha News-ի հետ զրույցում մեկնաբանել է Վերին Լարսի անցակետում ստեղծված իրավիճակը:
Փորձագետի խոսքով՝ դա կարող է լինել ոչ բացահայտ, բայց քողարկված քաղաքական ճնշում Հայաստանի վրա Ռուսաստանի կողմից:
«Սա Ռուսաստանի կողմից քողարկված քաղաքական ճնշում է Հայաստանի վրա՝ Երևանին ակնարկելու համար, որ իր քաղաքականության մեջ Մոսկվային ինչ-որ բան ձեռնտու չէ, դրանք են՝ շփումներ արևմտյան երկրների հետ ռազմական գծով, մի շարք հայտարարություններ Ռուսաստանի հասցեին Հայաստանի ղեկավարության տարբեր ներկայացուցիչներից և Հայաստանի հեռացում ՀԱՊԿ-ին մասնակցությունից։ Մասնավորապես, ՀԱՊԿ վերջին գագաթնաժողովում», — ասել է Բովտը։
Փորձագետի կարծիքով՝ Ռուսաստանը Հայաստանի կարևորագույն արտաքին առևտրային գործընկերն է։
«Այս ճանապարհից բացի այլ ճանապարհ և ելք Հայաստանը չունի։ Ռուսաստանը Հայաստանի կարևորագույն արտաքին առևտրային գործընկերներից մեկն է։ Այդ պատճառով այդ ուղղությունը շատ կարևոր է, եթե այնտեղ ինչ-որ խցանում լինի, ապա դա ուղղակիորեն կանդրադառնա Հայաստանի տնտեսության վրա», — եզրափակել է քաղաքագետը։
Հիմա եթերում
