Ջավախքում վերաօծվել է 19-րդ դարի հայկական եկեղեցին
15 Հուլիսի 2024, 19:47
![](https://media.alphanews.am/wp-content/uploads/2024/07/15132756/photo_2024-07-15_11-22-04.jpg)
Ջավախքում հուլիսի 10-ին նշվել է Նինոծմինդայի մունիցիպալիտետի Հեշտիա գյուղի հիմնադրման 196-ամյակը: Այդ օրը վերաօծվել է նաև 1856 թվականին կառուցված Սուրբ Աստվածամայր եկեղեցին, որը վերակառուցվել էր ծնունդով այդ գյուղից Կրասնոդարի երկրամասի ՌՀՄ հոգաբարձուների խորհրդի անդամ Գարիկ Զոբյանի միջոցներով:
Տոնը սկսվել է եկեղեցու օծմամբ և պատարագով, որից հետո գյուղի բնակիչներին նվիրել են սրբապատկերներ:
Տոնակատարությունը համախմբել էր բազմաթիվ բնակիչների, հյուրերի, այդ թվում՝ արտերկրում բնակվող հեշտիացիներին։ Միջոցառմանը ներկա էին նաև քաղաքապետարանի աշխատակիցներ։