Ժորա Հարությունյան. հայ ականավոր դրամատուրգը

Alpha News-ը շարունակում է ներկայացնել «Ալֆա պերսոնա» շարքը:

Ժորա Հարությունյանը ծնվել է Հայաստանի սրտում։ Ավարտել է Երևանի բժշկական տեխնիկումը, 1962 թվականին՝ Երևանի բժշկական ինստիտուտը։ Ուսումն ավարտելուց հետո աշխատել է մայրաքաղաքի տարբեր բուժհաստատություններում։

60-ականների կեսերին դարձել է ԽՍՀՄ գրական հիմնադրամի հայկական բաժանմունքի պոլիկլինիկայի գլխավոր բժիշկ։ Ավելի ուշ Ժորա Հարությունյանին նշանակել են հիմնադրամի հայաստանյան մասնաճյուղի տնօրեն, և նա թողել է բժշկական ոլորտը: 1965թ. նշանակվել է ԽՍՀՄ գրական հիմնադրամի հայկական մասնաճյուղի տնօրենի պաշտոնում, որը զբաղեցրել է մինչև 1995թ.:

Հարությունյանը բազմաթիվ կատակերգությունների և պիեսների հեղինակ է, որոնց մի մասը բեմադրվել է ոչ միայն Հայաստանում, այլև արտերկրում: Ժորայի ձեռագրերը թարգմանվել են աշխարհի շատ լեզուներով։ Բացի այդ, նա եղել է բազմաթիվ հայտնի պիեսների հեղինակ, ինչպես նաև խորհրդային մի քանի ֆիլմերի սցենարիստ։

Նա սցենարներ է գրել այնպիսի հայտնի ֆիլմերի համար, ինչպիսիք են «Ոսկե ցլիկը», «Շրթներկ», «Ձախորդ Փանոսը», «Հարսնացուն հյուսիսից», «Խոշոր շահում», «Հրդեհ», «Խաչմերուկի դեղատունը»:

Հարությունյանն իր ստեղծագործություններում ընդգծել է ժամանակակից իրականության սոցիալական և մարդկային հարաբերությունների ստվերային ասպեկտները՝ դրանց հակադրելով ազգային բարոյականության ավանդներն ու կայուն հոգևոր արժեքները:

Դրամատուրգը կյանքից հեռացել է 2002թ. հունվարի 10-ին Երևանում: 2005 թվականին նրա դստեր՝ Գայանե Հարությունյանի շնորհիվ լույս է տեսել «Եկավ, զարմացրեց, գնաց» անթոլոգիան, որտեղ ամփոփված էին նրա մասին հայտնի ժամանակակիցների հուշերը: