Կահիրեի Սուրբ Գրիգոր Լուսավորիչ հայկական եկեղեցին

Alpha News-ը շարունակում է ներկայացնել Սփյուռքում գործող հայկական եկեղեցիների մասին պատմող շարքը:

1928 թվականին դրվել է եկեղեցու հիմքը, իսկ շինարարությունն ամբողջությամբ ավարտվել է 1932 թվականին։ Սուրբ Գրիգոր Լուսավորիչ եկեղեցու շենքի կառուցման նախագիծը ղեկավարել է ճարտարապետ Լևոն Նաֆիլյանը։

Հենց տաճարի մուտքի մոտ տեղադրված է 19-րդ դարի վերջի և 20-րդ դարի սկզբի դիվանագետ Գրիգոր Եղիյանի կիսանդրին, ով կարիերան սկսել է Կահիրեում Ռուսաստանի հյուպատոսությունում։ Հենց նա է գումար հավաքել տաճարի կառուցման համար։

Եգիպտոսում բնակվում են բազմաթիվ հայեր, որոնց մեծ մասը Կահիրե քաղաքում է։ Շատերի համար այս տաճարը դարձել է հայ համայնքի հոգևորականության և ամբողջականության Կենտրոն։ Այն Կահիրեի հայկական երկու եկեղեցիներից մեկն է և քաղաքի միակ Առաքելական եկեղեցին։

Սուրբ Գրիգոր Լուսավորիչ եկեղեցու կառուցման համար կիրառվել է հայկական դասական ճարտարապետության երկու տեսակ, այսինքն՝ օգտագործվել են քարե նյութեր և կոնաձև գմբեթ։