«Կանգնել այն գիտնականի կողքին, ում ազգանունը հավերժացված է Մենդելեևի աղյուսակում, անգին է». դպրոցականները՝ Յուրի Հովհաննիսյանի մասին

Մոսկվայի թիվ 1159 դպրոցի 8-10-րդ դասարանների աշակերտները, որոնք մեծ հաջողությունների են հասել քիմիայի և ֆիզիկայի բնագավառում, այցելել են մերձմոսկովյան Դուբնա գիտամշակութային քաղաք և հանդիպել անվանի գիտնական, փորձարարական միջուկային ֆիզիկայի մասնագետ, ՌԴ ԳԱ ակադեմիկոս Յուրի Հովհաննիսյանի հետ։

Միջուկային հետազոտությունների միացյալ ինստիտուտի գիտության և տեխնոլոգիայի պատմության թանգարանում նրանք տեսել են միջուկային արագացուցիչների մոդելներ, ծանոթացել դրանց գործունեության սկզբունքների հետ, ինչպես նաև դիտել են եզակի ֆիզիկական փորձեր:

Ուսանողների հետ հանդիպմանը պրոֆեսոր Յուրի Ցոլակի Հովհաննիսյանը խոսել է նոր գերծանր քիմիական տարրերի սինթեզի մասին:

«Մենք բոլորի հետ միասին սպասում ենք 119-րդ և 120-րդ քիմիական տարրերի հայտնաբերմանը, որոնք Մենդելեևի աղյուսակում կսկսեն նոր 8-րդ շրջանը: Մենք շատ հպարտ ենք, որ մեզ հաջողվել է անձամբ ծանոթանալ լեգենդար գիտնականի հետ, ինքնագրեր վերցնել, դա իսկապես անհավանական է թվում»,- համացանցում գրել են Մոսկվայի դպրոցի սաները։