«Կարապի լիճը»՝ Թեհրանի 19-րդ միջազգային տիկնիկային փառատոնին
07 Հուլիսի 2023, 11:32
Թեհրանի «Թեաթրե շահր» ցուցադրական արվեստների համալիրում մեկնարկել է «Թեհրան-մոբարաք» 19-րդ միջազգային տիկնիկային փառատոնը:
Իրանում ՀՀ դեսպանության տարածած հաղորդագրությունից տեղեկանում ենք, որ փառատոնին մասնակցում է նաև Երևանի խամաճիկների պետական թատրոնի դերասանական կազմը։
Դերասանները չորս անգամ ներկայացել են համալիրի «Ղաշղայի» դահլիճում Սամսոն Մովսիսյանի բեմադրած «Կարապի լիճը» ներկայացումով, նաև առանձին ներկայացումով հանդես եկել հայ մանուկների համար Հայ Համալսարանականների Ընդհանուր Միության «Նիկոլ Աղբալյան» դահլիճում:
«Թեհրան-մոբարաք» 19-րդ միջազգային տիկնիկային փառատոնը շարունակվելու է մինչև հուլիսի 8-ը:
Հիմա եթերում
