Կառավարության շենքի մոտից 3 քաղաքացի բերման է ենթարկվել

30 Հունվարի 2025, 15:03

Քաղաքականություն

Քիչ առաջ լարված իրավիճակ էր ստեղծվել Կառավարության շենքի մոտ։ Բախումներ էին սկսվել կառավարության դիմաց բողոքի ակցիա իրականացնող քաղաքացիների ու ոստիկանների միջև։

ՀՀ ՆԳՆ լրատվական բաժնից հայտնել են, որ ակցիա իրականացնող 3 քաղաքացի բերման է ենթարկվել:

Ըստ ոստիկանության՝ նրանք բերման են ենթարկվել Վարչական իրավախախտումների վերաբերյալ օրենսգրքի 182-րդ հոդվածով (Ոստիկանության ծառայողի կամ զինծառայողի օրինական կարգադրությանը կամ պահանջին չարամտորեն չենթարկվելը) նախատեսված արարք կատարելու համար։