Կարծախում կայացել է հայ աղջկա «Կտոր մը Կարին» նախագծի շնորհանդեսը
19 Հուլիսի 2023, 00:15
![](https://media.alphanews.am/wp-content/uploads/2023/07/18135025/Ktorm-karin.jpg)
Անցած տարվա վերջին Ախալքալաքի Կարծախ գյուղում Awesome foundation javakhk ծրագրի չորրորդ փուլի հաղթող էր ճանաչվել Հասմիկ Սաղաթելյանի՝ «Կտոր մը Կարին»-ը նախագիծը:
Նախագծի շրջանակներում պետք է ազգային տարազներ կարվեին, ինչպես նաև, Հասմիկը պետք ձեռք բերեր բարձր որակի լուսանկարչական ապարատ, որով Ջիվանու տուն թանգարանի հուշային հատվածներում կիրականացվեն լուսանկարահանումներ՝ ազգային տարազով:
jnews.ge-ի փոխանցմամբ՝ այսօր այս ամենն իրականություն է, հագուստները կարված են Կարնո տարազներին համապատասխան։
«Այս տարազները, կարելի է ասել, փոքրիկ պատառիկներ են Կարինից, Կարինի մշակույթից, որը պետք է պահպանենք, քանի-որ այն մերն է, և եթե մենք մերը չպահպանենք, մեր փոխարեն ոչ ոք դա չի անի», – նշում է Հասմիկը:
Հագուստները թվով 6-ն են՝ նախատեսված կնոջ, տղամարդու եւ երեխաների համար, որոնք կարող են գեղեցիկ ընտանեկան և անհատական լուսանկարներ ստանալ։
![](https://media.alphanews.am/wp-content/uploads/2023/07/18134333/53054304485_0672cabeab_z.jpg)