Կարեն Անդրեասյանը նշանակվել է Միջազգային իրավական հարցերով ՀՀ ներկայացուցիչ
30 Օգոստոսի 2025, 16:54
ՀՀ վարչապետ Նիկոլ Փաշինյանի որոշմամբ՝ Կարեն Անդրեասյանը նշանակվել է Միջազգային իրավական հարցերով ՀՀ ներկայացուցիչ։
«Ղեկավարվելով «Հանրային ծառայության մասին» օրենքի 9-րդ հոդվածի 26-րդ մասով՝ Կարեն Անդրեասյանին նշանակել Միջազգային իրավական հարցերով ներկայացուցիչ»,- ասված է որոշման մեջ։
Նախկինում այդ պաշտոնը զբաղեցնում էր Եղիշե Կիրակոսյանը։ Այս տարվա մարտի 6-ից պաշտոնը թափուր էր։
Կարեն Անդրեասյանը 2021-2022 թվականներին գլխավորել է Արդարադատության նախարարությունը, ապա նշանակվել Բարձրագույն դատական խորհրդի նախագահ:
Նշենք, որ երեկ Փաշինյանն աշխատանքից ազատել էր Միջազգային իրավական հարցերով ներկայացուցչի գրասենյակի ղեկավար Լիպարիտ Դրմեյանին։
Հիմա եթերում
