Կարեն Մկրտչյան․ Ուսուցչից մինչև դերասան

Alpha News-ը շարունակում է ներկայացնել «Ալֆա պերսոնա» շարքը:

Նոյեմբերի 8-ը ռուս դերասան, հեռուստահաղորդավար, զանգվածային միջոցառումների բեմադրող ռեժիսոր, ՈՒՀԱ թիմի մասնակից Կարեն Մկրտչյանի ծննդյան օրն է:

Կարեն Մկրտչյանը ծնվել է 1961թ-ին Մախաչկալայում:

Դեռ մանուկ հասակում նա խաղում էր բեմում, պարում և երգում, ինչը հետագայում նրա համար հարթակ դարձավ և օգտակար եղավ հեռուստատեսային կարիերայում: Մկրտչյանն ավարտել է Դաղստանի պետական համալսարանի պատմության ֆակուլտետը։

Մկրտչյանը 1980-ական թվականներին աշխատել է Մախաչկալայի թիվ 1 դպրոցում որպես պատմության ուսուցիչ։

1987 թվականին Դաղստանի հեռուստատեսությամբ Իսլամ Շովկրինսկու հետ համատեղ վարել է «Նորաձևություն և բարքեր» հաղորդումը, իսկ մեկ տարի անց ընտրվել է Ժողովրդական պատգամավորների քաղաքային խորհրդի անդամ։

Չորս տարի Կարեն Մկրտչյանը խաղացել է ՈՒՀԱ-ում և եղել է «Մախաչկալայի թափառաշրջիկներ» թիմի անդամ, որը 1996 թվականին դարձել է չեմպիոն։

Նա աչքի էր ընկնում իր արտիստիզմով և հիանալի ձայնով։ ՈՒՀԱ-ում կարիերան ավարտելուց հետո Կարենը շարունակել է մասնակցել ակումբի տարբեր հոբելյանական միջոցառումներին և հատուկ նախագծերին:

Այժմ Մկրտչյանը ակտիվ մասնակցություն է ունենում Մախաչկալայի մշակութային կյանքին և ղեկավարում է այնտեղի երիտասարդական մշակույթի կենտրոնը։