Կարեն Խաչատրյանը լավագույնն է ճանաչվել Լիպեցկի սպորտային ծրագրավորման առաջնությունում

Ռուսաստանի Լիպեցկի մարզում ավարտվել է սպորտային ծրագրավորման առաջնությունը: «Պրոդուկտային ծրագրավորում» առարկայում լավագույնն են ճանաչվել «The Omnia» ընկերության ներկայացուցիչներ Կարեն Խաչատրյանը, Ալեքսեյ Ռյումկինը, Վադիմ Բրեևը:

Մասնակիցները մշակել են դասախոսական նյութերի հետ աշխատելու ծառայություն, որը թույլ է տալիս վերծանել աուդիո դասախոսությունները՝ դրանք վերածելով տեքստի, ավտոմատ կերպով ձևավորել դասախոսությունների նշումներ, ինչպես նաև վերբեռնված դասախոսությունների վերաբերյալ ցանկացած հարց տալ և պատասխան ստանալ արհեստական բանականությամբ օժտված բոտից: Թվարկված բոլոր խնդիրներն իրականացվել են ընդամենը 3 օրվա ընթացքում։

Նախագծերի պաշտպանությունից հետո տեղի է ունեցել հաղթողների պարգևատրման արարողությունը: