Կայացել է «Արցախի բալիկներ» համույթի հաշվետու համերգը
24 Հունիսի 2023, 20:05
Ստեփանակերտի Շառլ Ազնավուրի անվան մշակույթի կենտրոնին կից գործող «Արցախի բալիկներ» երգի-պարի ինքնագործ համույթը կենտրոնի դահլիճում հանդես է եկել 2022-2023 ուսումնական տարվա հաշվետու համերգով։
«Արցախպրես»-ի թղթակցի հաղորդմամբ՝ համերգային ծրագիրն ամփոփեց նաև 2018-2023 թվականների ուսումնական գործընթացի արդյունքները. «Վոկալ» և «Պար» դասարանների 25 աշակերտներ ավարտեցին իրենց ուսումնառությունը։
«Տարիների ընթացքում համույթի աշակերտների թիվը մնում է անփոփոխ։ Ժամանակներ կային, երբ 200 և ավելի սան ունեինք, բայց, տարբեր պատճառներից ելնելով, թիվը փոքր-ինչ նվազեց։ Ուրախալի փաստ է, որ ունենք աշակերտ, ով ընտանիքի հետ Արցախ է տեղափոխվել Ռուսաստանի Դաշնությունից և սկսել մեծ սիրով հաճախել մեր համույթ։
Մեր բալիկների մեջ մենք սերմանում ենք ազգային գիտակցություն, քանի որ նրանք պետք է լավ իմանան մեր ազգային պարն ու երաժշտությունը»,-մեզ հետ զրույցում ասել է Շառլ Ազնավուրի անվան մշակույթի կենտրոնի տնօրեն Արմեն Հովսեփյանը։
Հիմա եթերում
