Կեցցե՛ այն Հայաստանը, որը վաղն է գալու. Մովսես Գորգիսյանը կդառնար 62 տարեկան
05 Դեկտեմբերի 2023, 10:20
Դեկտեմբերի 3-ին լրացել է ազգային ազատագրական շարժման մասնակից, Հայաստանի ազգային հերոս Մովսես Գորգիսյանի ծննդյան 62-ամյակը։
Գորգիսյանը ծնվել է 1961 թվականի դեկտեմբերի 3-ին Երևանում։ Մովսեսը սովորել է Երևանի պետական մանկավարժական համալսարանի մշակույթի ֆակուլտետի ռեժիսորական բաժնում։ Համալսարանն ավարտելուց հետո աշխատել է Գորիսի դրամատիկական թատրոնում։
Գորգիսյանն այն եզակի մարդկանցից էր, որի ջանքերով 1989 թվականին ստեղծվեց «Անկախության բանակ» ջոկատը։
Շատերը հիշում են, որ Մովսեսը Ազատության հրապարակում ասել է.
«Կեցցե՛ այն Հայաստանը, որը վաղն է գալու»:
Նա առաջինն էր, որ Ազատության հրապարակում բարձրացրեց եռագույնը, բայց, ցավոք, երբեք չտեսավ անկախ Հայաստան։
Երեւանում հերթական հանրահավաքի ժամանակ հայտարարել են Երասխին սպառնացող վտանգի մասին։ Կամավորները, այդ թվում՝ Մովսեսը, Ազատության հրապարակից ուղիղ գնացել են Երասխ։ Ինքնապաշտպանական մարտերի ժամանակ շատ տղաներ զոհվեցին: Թշնամուն ջախջախեց ու հերոսաբար ընկավ նաև 28-ամյա Մովսեսը։
1996 թվականի սեպտեմբերի 20-ին Մովսես Գորգիսյանը հետմահու արժանացել է Ազգային հերոսի կոչման և պարգևատրվել «Հայրենիք» մեդալով։
Հիմա եթերում
