Կիսլովոդսկում բացվել է «Այվազովսկի․ ալիքի գագաթին» ցուցահանդեսը

Կիսլովոդսկի պատմաերկրագիտական «Ամրոց» թանգարանում բացվել է «Այվազովսկի․ ալիքի գագաթին» խորագրով ցուցահանդեսը։

Ցուցադրությունում ներկայացված են ծովանկարիչ Հովհաննես Այվազովսկու աշխատանքների բարձրորակ վերարտադրություններ։ Նա 19-րդ դարի ամենահայտնի նկարիչներից մեկն է, ով դեռ կյանքի ընթացքում ճանաչվել է որպես ծովանկարչության մեծագույն վարպետ։ Նրա կտավները պարզապես բնանկարներ չեն, այլ հուզական վիճակներ, որտեղ միահյուսվում են տարերքը, լույսը և մարդկային ապրումները։