«Կոմիտաս» անսամբլը ներկայացրել է հայկական հարսանիքը «Կուբանի ժողովուրդների ընտանեկան ավանդույթները» նախագծում
31 Հոկտեմբերի 2024, 17:55
Կրասնոդարի երկրամասի «Կուբանի ժողովուրդների կենտրոն» հասարակական կազմակերպությունը և Ռուսաստանի Կրասնոդարի երկրամասի ժողովուրդների համառուսաստանյան հասարակական-պետական կազմակերպության տարածաշրջանային մասնաճյուղն, օգտագործելով Կուբանի նահանգապետի դրամաշնորհը, իրականացնում է «Կուբանի ժողովուրդների ընտանեկան ավանդույթները» նախագիծը:
Ծրագրի շրջանակներում իրականացվող միջոցառումներից մեկը Կրասնոդարի հինգ համալսարաններում «ԷթնոՀարսանիք» ինտերակտիվ ծրագրի անցկացումն է՝ ընթացիկ տարվա հոկտեմբերից մինչև 2025 թվականի ապրիլ։ Նախագծում հայկական հարսանիքը ներկայացրել է «Կոմիտաս» ժողովրդական վոկալ-պարային համույթը (գեղ. ղեկավար՝ Կրասնոդարի երկրամասի մշակույթի վաստակավոր գործիչ Ա. Ի. Մարգարյան, խմբի առաջատար՝ համույթի մեներգչուհի Սվետլանա Առաքելյան):
Թատերականացված շոու-ծրագիրն ուսանողներին ծանոթացրել է տարբեր ազգերի հարսանեկան և ծիսական ավանդույթներին: Ուսանողներն իրենք ինտերակտիվ ձևով մասնակից են դարձել հարսանեկան արարողության այնպիսի փուլերին, ինչպիսիք են՝ ծանոթությունը, խնամախոսությունը և նշանադրությունը, հարսնացուի պատրաստվելը և այլն: Նախագիծը նպատակ ունի երիտասարդներին և ընտանիքներին ծանոթացնել տարբեր ժողովուրդների ավանդական ընտանեկան արժեքներին:
Հիմա եթերում
