Կոնստանտին Զատուլինը շնորհավորել է Մարգարիտա Սիմոնյանին ծննդյան օրվա առթիվ

ՌԴ Պետդումայի ԱՊՀ հարցերով կոմիտեի նախագահի առաջին տեղակալ Կոնստանտին Զատուլինը ծննդյան օրվա առթիվ շնորհավորել է «RT» հեռուստաալիքի և «Россия сегодня» միջազգային լրատվական գործակալության գլխավոր խմբագիր Մարգարիտա Սիմոնյանին՝ հիշատակելով իրենց մուտքը Հայաստան արգելելու մասին:

«Երկիրը շարունակում է տոնել Ձեր ծննդյան օրը, և ես սիրով միանում եմ։ Չէ որ այդքան շատ ընդհանրություններ կան՝ հարավային արյուն, Սոչիի հանդեպ սերը և արգելքը՝ մուտք գործելու դեպի թանկարժեք Հայաստան։ Ի դեպ, երբեք չեմ հետաքրքրվել՝ արգելված է արդյոք Ձեզ, ինչպես ինձ, մուտքը Ադրբեջան։ Առայժմ պետք է վստահեմ պարոն Շվիդկոյի տաղանդին, որն այս օրերին հյուրախաղերով հանդես է գալիս Երևանում։Բայց, վստահ եմ, մեր փողոցում տոն կլինի, ոչ միայն Ձեր տարեդարձի առթիվ։ Մաղթում եմ Ձեզ հաջողություն, երջանկություն, առողջություն, ազատվեք ցանկացած անհանգստությունից և դժբախտությունից: Ավելի հաճախ եղեք Սոչիում»,- նշել է Զատուլինը։