Կրակել են հացահատիկահավաք կոմբայնի ուղղությամբ. քաղաքացուն հաջողվել է փրկվել
16 Օգոստոսի 2023, 12:26
![](https://media.alphanews.am/wp-content/uploads/2023/08/16122559/367985824_817151350417585_1849373775278574058_n.jpg)
Օգոստոսի 15-ին ոստիկանության Մարտունու շրջանային բաժնում հաղորդում է ստացվել, որ ժամը 19:30-ի սահմաններում, Ավդուռ գյուղի վարչական տարածքի «Գոմեր» կոչվող տեղամասում հարակից ադրբեջանական մարտական դիրքերից հրաձգային զենքերով կրակել են հացահատիկահավաք կոմբայնի ուղղությամբ, որը վարում էր Մյուրիշեն գյուղի բնակիչ Մ.Ա.-ն:
Արցախի ՆԳ նախարարության ոստիկանության հաղորդմամբ՝ քաղաքացուն հաջողվել է փրկվել, վնասվել է միայն կոմբայնը։
Կրակոցների պատճառով դադարեցվել են գյուղատնտեսական աշխատանքները: Հաղորդումը փոխանցվել է ռուսական խաղաղապահ զորակազմին։
![](https://media.alphanews.am/wp-content/uploads/2023/08/16122620/367986399_817151437084243_8987723437441317437_n-1024x699.jpg)