Կրասնոդարում Մինաս Ավետիսյանի ծննդյան 95-ամյակին նվիրված դասախոսություն կկազմակերպվի
11 Հուլիսի 2023, 08:32
Կրասնոդարում հայ մեծանուն գեղանկարիչ, գծանկարիչ, ՀԽՍՀ վաստակավոր նկարիչ Մինաս Ավետիսյանի ծննդյան 95-ամյակին նվիրված դասախոսություն կկազմակերպվի, կներկայացվեն արվեստագետի կյանքն ու ստեղծագործությունը:
Կրասնոդարի երկրամասի տելեգրամյան ալիքի փոխանցմամբ՝ դասախոսությունը կկարդա արվեստի ոլորտի փորձագետ Ալբինա Սարկիսովան:
Մինաս Ավետիսյանը ծնվել է 1928թ.հուլիսի 20-ին ՀԽՍՀ Ախուրյանի շրջանի Ջաջուռ գյուղում: 1960-1975 թթ. Ավետիսյանը ստեղծել է շուրջ 500 մեծ ու փոքր կտավ, գրեթե նույնքան գծանկար, 20 մեծ որմնանկար և մեկ տասնյակից ավելի թատերական ներկայացումների նախագծեր: Նրա արվեստը պատվավոր տեղ է գրավել համաշխարհային գեղանկարչության պատմության մեջ ։ 1988 թվականի Սպիտակի երկրաշարժը ոչնչացրեց նրա որմնանկարների մի մասը Գյումրիում և նկարչի տուն-թանգարանը հայրենի գյուղում:
Հիմա եթերում
