Կրասնոդարում տեղի է ունեցել արցախցիների հանդիպումը Ռուսաստանի հայերի միության Կրասնոդարի մասնաճյուղի ղեկավարի հետ
19 Դեկտեմբերի 2023, 11:57
Դեկտեմբերի 16-ին Կրասնոդարի Հանրային տեղեկատվության կենտրոնում տեղի է ունեցել արցախցիների հանդիպումը Ռուսաստանի հայերի միության Կրասնոդարի մասնաճյուղի նախագահ Մ.Ա. Թորոսյանի, Կրասնոդարի երկրամասի Ռուսաստանի հայերի միության մարզային մասնաճյուղի մայրերի խորհրդի նախագահ Վ.Ռ.Մարգարյանի և Կրասնոդարի երկրամասի մայրերի խորհրդի անդամների հետ:
Քննարկվել են սոցիալական խնդիրներն ու ընտանիքներին օգնություն տրամադրելու ծրագրերը, անվճար խորհրդատվություններ են անցկացվել զբաղվածության, Ռուսաստանում աշխատանքի համար օտարերկրացիների գրանցման բարդությունների, կացության թույլտվություն ստանալու կարգի և նրբությունների, դպրոց ընդունվելու կարգի, միգրացիոն հարցերի և այլնի վերաբերյալ։
Հանդիպման ընթացքում որոշվել է ավելացնել խորհրդատվական հանդիպումների թիվը:
Հիմա եթերում
